रशियामध्ये पुढील वर्षी होणा-या राष्ट्रपतीपदाच्या निवडणुकीमध्ये व्लादिमीर पुतिन यांच्या विरोधात एका पॉर्नस्टारने निवडणूक लढविण्याचा निर्णय घेतला आहे. उत्तर पश्चिम रशियाची एलिना बकोर्वा या पॉर्नस्टारने तिच्या इन्स्टाग्रामवर अकाऊंटवरून एक व्हीडिओ पोस्ट करून निवडणूक लढविण्याच्या तिच्या योजनेबद्दल सांगितले.लैंगिक शोषण करणा-यांना मृत्यूदंडाची शिक्षा द्यायची आहे, असे एलिनाने म्हटले आहे. तसेच 40 सेंटीमीटरपेक्षा जास्त लांब स्कर्टवरही तिला बंदी आणायची आहे. सिनेसृष्टीत असलेल्या हार्वे वाइनस्टीनसारख्या लोकांना कंटाळल्याने लैंगिक शोषण करणा-यांना मृत्यूदंडाची शिक्षा देण्याचा नियम करणार असल्याचे एलिनाचे म्हणणे आहे. पुरुषाला त्याच्या साथीदाराशी घटस्फोट घेणे अशक्य करणार असून मुलांना शाळेत सेक्स एज्युकेशन देणार असल्याचे एलिनाने पुढे म्हटले आहे. राष्ट्रपतीपदाच्या निवडणुकीत महिलांची सक्रियता बघून आपणही निवडणूक लढविण्याचा निर्णय घेतल्याचे, एलिनाने शेअर केलेल्या व्हीडिओत म्हटले आहे.
आमच्या चैनल ला सब्सक्राइब करा https://www.youtube.com/LokmatNews
